Blog

A Asociación de Empresarios do Ceao e As Gándaras (AEPOCAG) celebrará o próximo venres 20 de novembro a segunda edición da Xuntanza

A Asociación de Empresarios do Ceao e As Gándaras (AEPOCAG) celebrará o próximo venres 20 de novembro, ás 13:00 horas, na Cafetería Restaurante Yaldara, a segunda edición da Xuntanza, un encontro empresarial que busca favorecer o coñecemento mutuo, o intercambio de experiencias e a colaboración entre as empresas de ambos os polígonos.

Tras a primeira edición celebrada en 2025, a asociación dá continuidade a esta iniciativa co propósito de consolidar un espazo de encontro no que empresarios/as, directivos/as e responsables de empresas poidan compartir experiencias, establecer novos contactos e explorar oportunidades de colaboración nun ambiente próximo e distendido.

Baixo o lema «As grandes oportunidades tamén comezan arredor dunha mesa», a Xuntanza 2026 pretende poñer en valor a importancia das relacións entre as empresas que comparten un mesmo espazo de actividade económica.

Un encontro aberto a todas as empresas

A Xuntanza está dirixida tanto a empresas asociadas como non asociadas, co obxectivo de fomentar a participación do conxunto do tecido empresarial do Ceao e As Gándaras.

Con esta iniciativa, AEPOCAG continúa apostando pola creación de espazos que favorezan a cooperación, o diálogo e o fortalecemento das relacións profesionais entre as empresas dos polígonos. Ademais, este ano conta co apoio do Concello de Lugo.

Como participar na Xuntanza 2026?

O encontro celebrarase o venres 20 de novembro, ás 13:00 horas, na Cafetería Restaurante Yaldara, situada na Rúa A do Polígono As Gándaras, en Lugo.

O prezo da participación é de 50 euros por persoa, e inclúe entrantes, prato principal, sobremesa e bebidas.

Para formalizar a inscrición, as persoas interesadas deberán realizar unha transferencia bancaria cos seguintes datos:

Número de conta (ABANCA): ES59 2080 0177 3730 4000 5109

Concepto: XUNTANZA2026 + nome da empresa

Unha vez realizada a transferencia, será necesario enviar o xustificante de pagamento ao correo electrónico [email protected].

Para máis información, pódese contactar coa asociación no teléfono 604 068 842.